Sa episode ng Magandang Buhay nitong Martes, sumabak ang cast ng upcoming teleserye ng ABS-CBN na "A Family Affair" na pinagbibidahan nina Gerald Anderson at ni Ivana Alawi sa isang laro.
Sumalang si Ivana at Gerald sa larong "Never Have I Ever" kasama ang co-stars din sa teleserye na sina Jameson Blake at Jake Ejercito.
Inamin nina Gerald at Ivana na may pagkakataon sa kanilang buhay na iniwan na nila ang isang tao kahit mahal pa nila ito.
Kuwento ni Ivana, iniwan niya ang nasabing tao dahil niloko siya nito.
Pagbabahagi naman ni Gerald, hindi naging madali ang karanasan na iwan ang mahal. Ayon sa kaniya, hindi ito madali pero minsan ganun talaga.
Kasama din nila sa naturang telerserye si Sam Milby.
Mapapanood ang "A Family Affair" sa Kapamilya Channel, Kapamilya Online Live, A2Z Channel 11, TV5 and iWantTFC.
0 Comments