Nitong linggo nga ay nagpost ang streaming app na Kumu sa Facebook page nito na pinapahulaan kung sino ang mga nasa larawan na bibida sa isang Kumu Series. Sa caption ng page nakasaad na "Labas na ang investigation skills. Kaya mo bang hulaan kung sino ang leads na ito?"
Ang streaming app na Kumu ay may naproduce ng pelikula at mga series sa pakikipagcollaborate nito sa iba't ibang media giant. At ngayon nga ay may panibago na naman silang niluluto na series.
Hapon nitong Lunes ay ibinahagi at ini-reveal na ng streaming app ang kanilang bagong handog sa Kumunizens sa pakikipagcollaborate nito sa Wattpad. Inihahandog ng Kumu at ng Wattpad ang series adaptation ng isang sikat na wattpad story na "Kiss Master" sa panulat ni Jamille Fumah o JFStories sa wattpad.
Inilabas na din ang mga artistang bibida sa naturang collaboration series na ito. Una na nga diyan ay si Kyle Echarri, na dating on-screen partner ni Francine Diaz na ngayon ay may ibang kalove team na din. Kasama ni Kyle sa series ay sina Joao Constancia at Kaori Oinuma.
Ang Kiss Master ay tungkol kay Arkanghel na isang matabang highschool boy na patay na patay kay Sussie. Para siyang isang aso na sunod ng sunod dito hanggang sa sinukuan na siya ng babae. Ang mapagmahal na lalaking ito na binigyan ni Sussie ng kaniyang first kiss at nagturo sa kaniyang magmahal ay naging CEO ng isang malaking kumpanya. Ngunit dahil nga sa nangyari ay galit na galit si Angkanghel kay Sussie.
Sa ngayon ay wala pang ibang detalye kung kailan ilalabas ang series. Paano kaya nila bibigyan ng justice ang storyang ito? Yaan ang dapat nating abangan.
0 Comments